5 tripulante ng bangkang pangisda, binihag ng mga armadong lalaki sa Sulu

Dinukot ng mga armadong lalaki ang limang crew ng isang bangkang pangisda sa bayan ng Pangutaran sa lalawigan ng Sulu.

Kinilala ng Sulu Provincial Police ang mga biktima na sina Vergel Arquino, 25, mula sa Davao City; Joshua Ybañez, 23; Emo Fausto 63; Jonald Minalang, 24; at Sepriano Sardido, 53, na pawang mga residente ng Pagadian City.

Batay sa inisyal na imbestigasyon ng Pulisya, nabatid na naganap ang pagdukot sa Sitio Manubal ng Barangay Simbahan sa bayan ng Pangutaran bandang 8:15, Sabado ng gabi.

Iniimbestigahan na ng mga otoridad ang insidente.