Senado, nagsuspinde na rin ng pasok bukas

Matapos ang naunang suspensyon ng Palasyo at Korte Suprema, suspendido na rin ang trabaho sa Senado bukas, October 16, 2017.

Nag-abiso si Senate officer-in-charge Senador Gringo Honasan ng suspesyon dahil sa inaasahang tigil-pasada ng grupong Pinagkaisang Samahan ng mga Tsuper at Opereytor Nationwide (Piston) simula bukas hanggang sa Martes.

Kasunod nito, inanunsiyo ni Senador Panfilo Lacson, Senate public order and dangerous drugs committee chair, ang pagpapaliban ng pagdinig kaugnay sa pagkamatay ng University of Santo Tomas (UST) law freshman student na si Horacio ‘Atio’ Castillo III.

Sa halip na bukas, itutuloy ang pagdinig sa araw ng Miyerkules, October 18 bandang 9:30 ng umaga.