Nakatakdang maghain ng umano’y “big impeachment complaint” laban kay Ombudsman Conchita Carpio-Morales sa Nobyembre 13.
Ayon kay Atty. Manny Luna, legal counsel ng ang Volunteers Against Crime and Corruption (VACC), planong ihain ang impeachment na pinagsama-sama mula sa tatlong magkakahiwalay na reklamo sa pagbabalik ng Kongreso pagkatapos ng session break bunsod ng Undas.
Sakop aniya nito ang ilang grounds tulad ng multiple for betrayal of public trust, neglect of duty, selective justice, culpable violation of the constitution, use of falsified documents at graft and corruption.
Dagdag pa nito, mayroon ng nakakausap ang grupo na posibleng mag-endorso ng impeachment sa Kamara ngunit tinanggi naman na itong pangalanan ni Luna.