Nagtalaga si Pangulong Rodrigo Duterte ng officers-in-charge para pansamantalang mamuno sa Department of Information and Communications Technology (DICT) at sa Department of Health (DOH).
Ayon kay Presidential spokesperson Ernesto Abella si Undersecretary Eliseo Mijares Rio Jr. ang itinalaga bilang OIC sa DICT habang si Undersecretary Herminigildo Valle ang OIC sa DOH.
Itinalaga si Mijares matapos magbitiw kamakailan sa kaniyang pwesto si dating DICT Secretary Rodolfo Salalima.
Habang hindi naman nakumpirma ng Commission on Appointments (CA) si dating Health Secretary Ubial kaya inilagay si Valle bilang OIC.
MOST READ
LATEST STORIES