Esperon mamumuno ng pagbusisi sa internet connection sa bansa

Pamumunuan ni National Security Adivser Hermogenes Esperon Jr. ang pagsusuri ng gobyerno sa national broadband plan.

Ayon kay Communications Secretary Martin Andanar, binuo ang Information Technology Council makaraang magbitiw sa pwesto si Information and Communications Technology Secretary Rodolfo Salalima.

Magsisilbi ring myembro ng ITC ang tatlo pang myembro ng gabinete.

Ayon kay Andanar, sa loob ng 15 araw ay magsusumite ng rekomendasyon ang ITC kay Pangulong Rodrigo Duterte kung paano mapabibilis ng gobyerno ang internet conncetion sa bansa at kung paano palalawigin ito.

Dagdag ng Kalihim, kabilang sa mga panukalang susuriin ng binuong council ay ang pagpasok ng mga bago at dayuhang kompanya sa industriya ng telecommunications.