Ito’y matapos na suspendihin ng BOC ang nauna nilang kautusan na nagsasabing dapat ay may kaakibat na mga resibo at dokumento ang mga laman ng mga balikbayan box upang makakuha ng ‘tax exemption’ sa kanilang mga ipinapadalang bagahe.
Ayon sa direktiba ni Customs Commissioner Isidro Lapeña, minarapat nilang ipatigil ang pagpapatupad ng Customs Administrative Order 05-2016 at Customs Memorandum Order (CMO) 04-2017 dahil sa maraming batikos na tinanggap ng direktiba mula sa publiko at sa mga OFW.
Ang suspensyon ay tatagal hanggang March 31 ng susunod na taon.
Bago ang implementasyon ng dalawang kautusan ng Customs, hindi kinakailangan ng mga OFW na magpakita ng resibo sa mga nilalaman ng kanilang ipinapadalang balikbayan box.
Otomatiko ring exempted sa tax ang mga bagahe na hindi lalampas sa P150,000 ang halaga ng nilalaman nito.