Biyahe ng MRT, muling nagka-aberya

Maaga na namang nakaranas ng aberya ang mga pasahero ng Metro Rail Transit (MRT).

Sa abiso ng MRT, pinababa ang mga pasahero sa Kamuning Station southbound alas 6:28 ng umaga.

Itinaas kasi ang category 3 sa status ng biyahe makaraang isang tren ang makaranas ng technical problem.

Samantala, alas 7:34 naman ng umaga nang muli namang magka-aberya sa biyahe ng MRT.

Pinababa ang mga pasahero sa sa Shaw Boulevard station southbound dahil din sa nagkaproblemang tren.

Ang mga pasaherong naapektuhan sa dalawang magkasunod na aberya ay agad din namang pinasakay sa kasunod na tren.

Habang ang mga nagkaproblemang tren ay ibinalik sa depot para makumpuni.