MRT, dalawang beses nang nakaranas ng aberya

Dalawang magkasunod na aberya ang naitala sa Metro Rail Transit (MRT).

Alas 6:27 ng umaga nang pababain ang mga pasahero sa Kamuning Station southbound.

Itinaas sa category 3 ang status ng biyahe ng MRT dahil sa isang tren nito na nagkaroon ng technical problem.

Samantala, alas 8:01 naman ng umaga nang pababain ang mga pasahero sa Ortigas Station northbound.

Ito ay makaraang makaranas muli ng technical problem ang isa pang tren at itinaas ang category 3 status.

Ang dalawang nagkaproblemang tren ay dinala sa depot para makumpuni.

Ang dalawang magkasunod na aberya ay nagdulot ng perwisyo sa mga pasahero sa kasagsagan ng rush hour.