Ipinagharap na ng patung-patong na reklamo sa Department of Justice (DOJ) si John Paul Solano, isa sa mga suspek sa pagkamatay ng freshman UST law student na si Horacio Castillo III.
Dinala ng mga tauhan ng Manila Police District (MPD) sa DOJ si Solano para humarap sa inquest kung saan siya sinampahan ng reklamong murder, perjury, obstruction of justice, robbery at paglabag sa Anti-Hazing Law.
Si Assistant State Prosecutor Susan Villanueva ang nagasagawa ng inquest proceedings na dinaluhan din ng mga opisyal ng MPD at ng magulang ng biktima na sina Horacio Jr. at Carmina.
John Paul Solano, ipinagharap na ng patung-patong na reklamo sa DOJ | @BrozasRicky pic.twitter.com/eFYoScpyBF
— RadyoInquirer990AM (@dzIQ990) September 25, 2017
John Paul Solano, ipinagharap na ng patung-patong na reklamo sa DOJ | @BrozasRicky pic.twitter.com/eFYoScpyBF
— RadyoInquirer990AM (@dzIQ990) September 25, 2017
Pinanumpaan din ng mag-asawang Castillo ang kanilang joint complaint affidavit.
Sa kaniyang pahayag, sinabi ni Solano na ilalahad niya ang kaniyang mga nalalaman sa magaganap na pagdinig sa senado pic.twitter.com/h2QPVZctvp
— RadyoInquirer990AM (@dzIQ990) September 25, 2017
Bago ang inquest, sinabi ni Solano sa kaniyang pahayag sa media, na ilalahad niya ang kaniyang mga nalalaman sa magaganap na pagdinig sa senado Lunes ng gabi para malinis ang kaniyang pangalan.
Muli rin nitong iginiit na wala siya sa lugar habang nagaganap ang initiation.