Naghahanda na ang grupong PISTON sa gaganaping sabayang kilos-protesta kasabay ng paggunita sa ika-45 taon ng deklarasyon ng Martial Law.
Ayon kay Bong Bailon, Secretary General ng PISTON sa NCR, daan-daang jeepney drivers ang kanilang inaasahang lalahok sa malawakang kilos-protesta.
Nag-vigil rin ang mga tsuper sa tapat ng Peace Arch sa Mendiola, Maynila, nag-tirik ng mga kandila habang nakalatag ang mga placards.
Giit ng PISTON, tutol sila sa pag-phaseout sa mga jeepney, at pinapatay umano nito ang kanilang kabuhayan.
Inalmahan rin ng grupo ang walang-tigil na pagtaas ng presyo ng produktong petrolyo na nagpapaliit sa kanilang kita.
WATCH: Grupong Piston, nagsagawa ng vigil sa Mendiola | @CyrilleCupino pic.twitter.com/T827HLFwN7
— RadyoInquirer990AM (@dzIQ990) September 20, 2017
WATCH: Grupong Piston, nagsagawa ng vigil sa Mendiola | @CyrilleCupino pic.twitter.com/gjXGRGtXUu
— RadyoInquirer990AM (@dzIQ990) September 20, 2017
Magsasagawa ng caravan ang mga jeepney driver at magsasanib-pwersa sila ng iba’t iba pang sektor at sabay-sabay na magma-martsa patungo sa Luneta mamayang hapon.