Lalaki, patay sa pananaksak sa Navotas

Pinagsasaksak hanggang sa mapatay ng hindi pa nakikilalang suspek ang isang lalaki sa JV Santos Street, Barangay Tangos, sa lungsod ng Navotas.

Kinilala ang biktima na si Emelson Marcelino, dalawampu’t siyam na taong gulang at residente ng nasabing lugar.

Ayon sa inisyal na impormasyon mula sa mga otoridad, napag-tripan umanong saksakin ang biktima matapos itong bumili ng sigarilyo.

Nagawa pa umanong tumakbo ni Marcelino ngunit binawian na ito ng buhay bago pa ito makarating sa kanyang bahay.

Samantala, blangko pa ang mga otoridad sa motibo ng pananaksak at sa pagkakakilanlan ng salarin.