Tinawanan lang ni Vice President Jejomar Binay ang pahayag ni Senate President Franklin Drilon na kaya siyang talunin ng standard bearer ng Liberal Party na si Secretary Mar Roxas.
Sa panayam ng Radyo Inquirer, sinabi ni Binay na may kanya-kanya namang paniniwala ang lahat.
Nanindigan ang Pangalawang Pangulo na nananatiling marami ang naniniwala sa kanya batay na rin sa mga resulta ng mga nakalipas na survey.
Base sa pahayag ni Drilon, bukod kay Binay ay kaya rin aniyang talunin ni Roxas si Senador Grace Poe na isa rin sa mga malalakas sa mga survey ngayon. / Jimmy Tamayo
MOST READ
LATEST STORIES