Isang 18-anyos na lalaki na iniuugnay sa London bombing, naaresto

Naaresto ang isang 18-anyos na lalaki na hinihinalang may kaugnayan sa pambobomba sa Parsons Green Tube.

Ayon kay Senior National Cooordinator for Counter-terrorism Police Neil Basu, naaresto ang suspek sa departure area ng Port of Dover.

Iniutos ang partial evacuation sa pantalan habang isinasagawa ang search operations sa lugar.

Nasa kustodiya ng London Police station ang suspek sa kasalukuyan.

Samantala, nananatili sa “critical” ang alert level sa United Kingdom kasunod ng pag-aresto sa hinihinalang suspek.

Isa pang hiwalay na search operations ang isinagawa sa mga kabahayan sa Sunbury-on-Thames.

Dahil dito, isinara ang mga kalsada at iniutos ang paglikas ng mga residente.