Regional Head ng CSC sa Cagayan Valley, patay sa pamamaril

Patay sa pamamaril ang Civil Service Commission Cagayan Valley Regional Head na si Atty. Neil Agustin.

Ayon kay Tuguegarao Police Senior Superintendent Edward Guzman, nagpaulan ang mga suspek na riding in tandem sa sasakyang minamaneho ng biktima.

Sakay ni Agustin ang isa pang empleyado na kinilalang si Randolph Castañeda.

Dead on the spot si Agustin habang sugatan naman si Castañeda.

Narekober sa crime scene ang ilang basyo ng mga bala.
Samantala, bumuo naman ang pulisya ng isang special task force para imbestigahan ang krimen.