Nanatiling walang talo ang Far Eastern University sa Premier Volleyball League Collegiate Conference matapos talunin ang Ateneo Lady Eagles sa laban kagabi sa Filoil Flying V Centre sa San Juan.
Nagpaulan ang Lady Tamaraw ng 48 points off attacks, six kill blocks at 10 aces.
Ayon kay FEU Coach George Pascua, nais sana ng team na madaliin ang laban ngunit pinayuhan niya ang mga ito na daanin sa bilis huwag sumabay sa tempo ng lady eagles.
Nakatulong din ayon kay Pascua ang absence ng Ateneo captain na si Bea De Leon upang maipanalo ang laban.
Nangunguna na sa standing ng Group A ang FEU sa iskor na 2-0 samantalang bumaba naman ang Lady Eagles sa iskor na 2-1.
Pinangunahan ni Bernadeth Pons ang Lady Tamaraws matapos magtala ng 16 points habang nakatulong din sina Toni Rose Basas at Jeanette Villareal na may 15 at 13 points.