Dalawa patay sa sunog sa Tondo

Kinumpirma ni Manila Fire Marshall Supt. Antonio Razal na dalawa ang naitalang patay sa sunog sa F. Varona Street Tondo, Maynila Miyerkules ng hapon.

Kinilala ang mga nasawi na sina Venus Liqid, nasa 30 hanggang 35 taong gulang at at Althea Michelline Mae Diestro na tatlong taong gulang.

Nagsimula ang apoy sa ikalawang palapag ng bahay ni Hermignia Hipolito dakong alas 3:00 ng hapon.

Umakyat sa ikalawang alarma ang sunog na tumupok sa tirahan ng nasa
labing-apat na pamilya.

Naapula lamang ang sunog makalipas ang dalawang oras.