Padang, Indonesia, niyanig ng magnitude 6.2 na lindol

Niyanig ng magnitude 6.2 na lindol ang Indonesia kaninang madaling araw.

Ayon sa United States Geological Survey o USGS, ang pagyanig ay naitala 46 miles o 75 kilometers ng Padang, Indonesia.

Sa kabila naman ng lindol, sinabi ng meteorological agency ng Indonesia na walang banta ng tsunami.

Sa ngayon, wala pang report kung may nasawi o nasaktan dahil sa lindol.

Inaalam na rin kung may mga apektado o nasirang ari-arian.

Ayon sa mga residente, naramdaman nila ang malakas na pagyanig sa Sumatra.