Davao Oriental, niyanig ng magnitude 4.2 na lindol

Niyanig ng magnitude 4.2 na lindol ang bayan ng Governor Generoso sa Davao Oriental.

Naitala ng Phivolcs ang pagyanig alas 3:12 ng madaling araw ng Biyernes sa 156 kilometers south ng Governor Generoso.

May lalim na 122 kilometers ang pagyanig at tectonic ang origin.

Samantala, alas 4:42 naman ng umaga, niyanig ng magnitude 3.2 na lindol ang Ozamis City, Misamis Occidental.

Naitala ang pagyanig sa 12 kilometers north ng Ozamis City.

May lalim naman na 4 kilometers ang lindol at tectonic din ang origin.

Ayon sa Phivolcs, hindi inaasahang magdudulot ng pinsala ang dalawang nabanggit na lindol.