3 Barangay sa Pasig, maaapektuhan ng 6 na oras na power interruption

Mawawalan ng kuryente sa loob ng anim na oras ang bahagi ng tatlong barangay sa Pasig City.

Magsisimula ang power interruption, alas 11:30 ng gabi ng Lunes (August 28) at tatagal hanggang alas 5:30 ng umaga ng Martes (August 29).

Sa abiso ng Meralco, maaapektuhan ang ilang mga lugar sa mga Barangay Palatiw, San Nicolas at Sto. Tomas.

Apektado ang bahagi ng F. Soriano Street mula sa San Agustin Avenue hanggang sa F. Manalo Street kabilang ang Liana’s Sipermarket at Jaynith’s Supermart.

Gayundin ang Market Avenue at Caruncho Avenue.

Ayon sa Meralco, mayroon silang line reconductoring work at magpapalit sila ng mga luma nang poste sa kahabaan ng F. Soriano Street.