China hindi nagtayo ng bandila sa isa sa mga isla sa WPS ayon sa Malacañang

Pinabulaanan ng Malacañang ang ulat na nagtayo umano ng bandila ang China sa Kota Island sa West Philippine Sea.

Ayon kay Presidential spokesperson Ernesto Abella, sinabi ng kanyang source na hindi niya tinukoy na walang bandila ng China sa lugar sa ngayon.

Aniya, maraming dumaraan sa bahagi ng Kota Island, at may mga barko rin ang humihinto sa lugar.

Dagdag ni Abella, hindi military vessels ang mga ito kundi mga maritime ships pero hindipa tiyak kung saan rehistrado ang mga ito.

Una nang ipinahayag ni Magdalo Partylist Representative Gary Alejano na itinayo ang bandila ng China sa Kota Island sa West Philippine Sea.