P100 Million pasalubong kay Faeldon sa BOC ayon kay Lacson

Inisa-isa ni Sen. Ping Lacson sa kanyang privilege speech ang pangalan ng mga personalidad na sangkot sa talamak na smuggling sa Bureau of Customs.

Sa kabuuan ay mahigit sa 40 mga pangalan ang kanyang binanggit sa kanyang privilege speech.

Kabilang sa mga pangalan na binanggit ni Lacson sa panyang talumpati ay ang mga matataas na opisyal ng Bureau of Customs.

Kasama rin dito ang pangalan ng mga dati na ring personalidad na sangkot sa smuggling sa aduana.

Kabilang dito si dating BOC Commissioner Nicanor Faeldon na umano’y tumanggap rin ng P100 Million na payoff bilang welcome gift sa kanyang pag-upo sa ahensiya noong 2016.

Nasa listahan rin ni Lacson ang mga deputy commissioners na sina Atty. Teddy Raval, Ariel Nepomuceno, Gerardo Gambala, Natalio Ecarma at Edward Buco.

Mayroon ring mga district collectors na sangkot sa kurapyon na kinabibilangan nina Jet Mabonilla, Rhea Gregorio, Edgar Macabeo, Elvira Cruz, Maritess Martin, Mimel Talusan, Reynaldo Galeno at Mel Pascual.

Pasok rin sa listahan ng mambabatas ang iba pang mga department heads sa loob ng BOC na umano’y regular na tumatanggap ng payola.

Sinabi ni Lacson na umaasa siya na maaayos ni incoming Customs Commissioner Isidro Lapeña ang mga problema sa loob ng ahensiya.