Panghuhuli sa mga colorum, ipauubaya muna sa LTO at LTFRB

Ipauubaya muna ng Philippine National Police-Highway Patrol Group sa Land Transportation Office at Land Transportation Franchising Regulatory Board ang paghuli sa mga colorum na public utility vehicles na bumibiyahe sa kahabaan ng EDSA.

Ito ang sinabi ni Police Chief Supt. Arnold Gunnacao, ang director ng HPG dahil aniya ang kanilang focus ay traffic management para mapangalagaan ang daloy ng trapiko sa EDSA.

Aniya, ito ang napagkasunduan sa kanilang pakikipagpulong sa mga ahensiya ng gobyerno, kasama na ang MMDA at DPWH.

Kaninang umaga, nagkaroon ng surprise operation ang LTO at MMDA laban s mga colorum at out-of-line na mga bus sa ilang bahagi ng EDSA.