Ilang barangay sa Quezon City, mawawalan ng suplay ng tubig

Pansamantalang mawawalan ng suplay ng tubig ang ilang barangay sa Quezon City simula ngayong araw, August 22 hanggang bukas August 23 habang nagsasagawa ng “maintenance activities” ang Maynilad.

Sa inilabas na advisory, apektado ng water service interruption mamayang 11:30 ng gabi ang Barangay Bahay Toro at Barangay Sauyo (NIA Village)

Dahil dito, pinayuhan ng Maynilad na mag-imbak ng sapat na tubig ang mga residente ng naturang baranggay nang sa gayon ay makaiwas sa abala.

Inaasahan namang maibabalik sa normal ang water supply sa mga nabanggit na barangay bukas ng alas 4:00 ng umaga.