Sa abiso ng Manila International Airport Authority (MIAA), kinansela na ang flights ng Skyjet na M8 711 at M8 712 Manila to Busuanga at Busuanga to Manila.
Kanselado na rin ang flights ng CebGo na DG 6047 at DG 6048 Manila to Busuanga at Busuanga to Manila.
Pinayuhan ng MIAA ang mga apektadong pasahero na makipag-ugnayan sa airline company para sa rebooking o ‘di kaya ay refund ng kanilang pamasahe.
Sa latest forecast ng PAGASA, ganap nang bagyo ang LPA na huling namataan sa 735 kilometers east ng Basco, Batanes.
Pinangalanan na din ito ng PAGASA na “Isang” at inaasahang palalakasin nito ang hanging habagat.
Posible din magdulot ito ng pulo-pulong malakas na pag-ulan at thunderstorms sa Metro Manila, Visayas at mga rehiyon ng Central Luzon, Calabarzon, Mimaropa at Bicol.