US Army helicopter naglaho habang nagsasagawa ng training

Isang US Army helicopter ang nawala habang nagsasagawa ng night training mission sa Hawaii.

Limang crew din ng UH-60 black hawk helicopter ang nawawala at patuloy na pinaghahanap sa Oahu Island.

Nagtutulong-tulong na ngayon ang mga tauhan ng Army, Coast Guard at Marine Corps para mahanap ang nawalang chopper at mga sakay nito.

Ang nasabing Army helicopter ay bahagi ng training mission kasama ang isa pang chopper nang ito ay bigla na lamang maglaho at mawalan ng radio at visual contact dito.

May namataan naman nang posibleng debris ang mga tauhan ng Coast Guard sa bahagi ng Kaena Point pero hindi pa tiyak kung bahagi ito ng nawalang helicopter.