Simula na ngayong araw ang panibagong dagdag-bawas sa mga presyo ng mga produktong petrolyo.
Unang nag-anunsyo ang kumpanyang Flying V ng kanilang pagtataas at pagtatapyas sa presyo ng mga produktong petrolyo.
Simula alas dose uno ng hatinggabi kanina, August 15, ay nagtaas ng P0.45 kada litro ang gasolina.
Samantala, bababa naman ng P0.10 sentimo kada litro ang kanilang bio diesel at kerosene.
Alas-6:00 naman ng umaga, magsisimula ang paggalaw sa presyo ng mga produktong petrolyo ng iba pang mga kumpanya ng langis gaya ng Eastern Petroleum, Phoenix Petroleum, PTT, Seaoil, Shell, at Phoenix Petroleum.
Sampung sentimo kada litro ang matatapyas sa diesel at kerosene, habang magdadagdag naman ang mga naturang kumpanya ng apatnaput limang sentimo kada litro para sa gasolina.
Ito na ang ikatlong beses na nagtaas ang halaga ng produktong petrolyo ngayong buwan ng Agosto.