Barangay sa QC, 6 na oras mawawalan ng suplay ng tubig

Pansamantalang mawawalan ng suplay ng tubig ang ilang barangay sa Quezon City simula ngayong araw, August 11 hanggang bukas August 12.

Ito ay habang isinasagawa ng Maynilad ang kanilang “maintenance activities”.

Sa inilabas na advisory, apektado ng water service interruption ang bahagi ng Baranggay Del Monte alas 10:00 ng gabi ng Biyernes.

Dahil dito, pinayuhan ng Maynilad na mag-imbak ng sapat na tubig ang mga residente ng naturang baranggay nang sa gayon ay makaiwas sa abala.

Inaasahan namang maibabalik sa normal ang water supply sa Baranggay del monte bukas, August 12 ng alas-4:00 ng umaga.