Lalawigan ng Saranggani niyanig ng magnitude 6.1 na lindol

(update) Niyanig ng magnitude 6.1 na lindol ang Saranggani sa Davao Occidental ngayong umaga.

Ayon sa Philippine Institute of Volcanology and Seismology (Phivolcs) naitala ang pagyanig alas 9:18 ng umaga kanina sa 155 kilometers southwest ng Saranggani.

May lalim ang nasabing lindol na 312 kilometers at tectonic ang origin.

Sa panayam ng Radyo Inquirer, sinabi ni Phivolcs Dir. Renato Soliudm, bagaman malakas ang lindol, hindi ito naramdaman dahil naitala ito sa karagatan at masyado itong malalim.

Hindi rin aniya naging mapaminsala ang pagyanig.. Walang naitalang intensities ang Phivolcs dahil sa nasabing pagyanig. Pero nagbabala ang Phivolcs sa publiko hinggil sa posibleng mga aftershocks.