Bagong disensyo ng passport, ilalabas ng DFA

Maglalabas ng bagong disensyo ng passport ang Department of Foreign Affairs.

Ito’y kasunod na rin ng pagladga ni Pangulong Rodrigo Duterte sa Republic Act 10928 o batas na nagpapalawig sa passport validity ng 10 taon mula sa 5 taon.

Ayon sa DFA, maglalabas sila ng bagong design ng passport sa susunod na taon bukod sa disenyo na nakikita sa na-isyung passport sa ngayon.

Pinaplantsa na rin daw ang Implementing Rules and Regulations o IRR ng naturang batas nang sa gayon ay tuluyan na itong maipatupad.

Para naman sa mga minor de edad, 5 years validity lamang ang ipagkakaloob sa kanila.

Ang bagong disensyo ng passport ay para mas maging ligtas sa fraud at forgery ang mga gumagamit nito.