Prison guard sa Bilibid, arestado matapos makuhanan ng shabu

Arestado ang isang prison guard matapos magsagawa ng operasyon ang Philippine National Police Special Action Force sa Maximum Security Compound sa New Bilibid Prison, umaga ng Huwebes.

Nakilala ang suspek na si Prison guard 1 Ernesto Dionglay Jr.

Nabatid na nagsagawa ng body search sa gate ng Maximum Security Compound ang PNP-SAF sa mga empleyado nang makuha kay Dionglay ang isang sachet ng pinaghihinalaang shabu.

Aabot sa isandaang gramo ng shabu ang nakuha kay Dionglay.

Nasa kustodiya na ngayon ng Muntinlupa City Police Station ang suspek at sasampahan ng kasong illegal possession of illegal drugs.