Ito ang maaasahan simula pa lamang sa unang bugso ng mga programa sa Radyo Inquirer simula alas kuwatro ng umaga.
Buwena-manong programa sa umaga ang D’yaro sa Radyo ni Ruel Perez mula alas kuwatro hanggang alas singko ng umaga, Lunes hanggang Biyernes.
Magaan ang istilo ng pagbabalita at komentaryo ni Perez sa umaga, may kaunting pitik ngunit nananatiling naka-angkla sa mga mapanghahawakang datos ng balita.
Maliban sa pagiging anchor/host ng D’yaryo sa Radyo, si Perez ay isa rin sa mga reporters ng Radyo Inquirer. Siya ang sumasalo at naghahagilap ng mga unang putok na balita pagkatapos na pagkatapos ng kanyang board work sa istasyon.
Simulan ang inyong umaga ng tamang balita at impormasyon, makinig, panoorin at samahan si Ruel Perez sa D’yaryo sa Radyo.