Faeldon at iba pang Customs opisyal pinagbibitiw na sa pwesto

Hinamon ni House Committee on Dangerous Drugs Chair Robert Ace Barbers na magbitiw sa puwesto ang mga opisyal ng Bureau Of Customs.

Ayon kay Barbers, ipinapahiya lamang nina Commissioner Nicanor Faeldon si Pangulong Rodrigo Duterte dahil sa pagiging incompetent ng mga ito.

Sinabi ni Barbers na mahigpit ang kampanya ng pangulo laban sa droga pero hindi ginagawa ng Customs ang kanilang parte rito.

Suportado naman ni House Speaker Pantaleon Alvarez ang panawagang resignation ni Barbers.

Sinabi ng pinuno ng kamara na grossly incompetent si Faeldon kaya marapat lamang itong magbitiw sa puwesto.

Kung siya anya ang nasa katayuan ni Faeldon magreresign na ito bilang pinuno ng adwana.