Si Father Lagarejos ay dinakip ng operatiba ng Eastern Police District, Sabado ng umaga dahil sa paglabag sa Anti-Trafficking in Persons Act nang tangkain umano nitong isama sa motel sa Marikina City ang isang menor de edad na babae.
Ayon kay Archbishop Cruz na dati ring pangulo ng Catholic Bishops Conference of the Philippines (CBCP), may sariling “tribunal” ang simbahan para imbestigahan ang kanilang kasapi na nasasangkot sa kontrobersiya.
Kung sakali man aniyang mapatutunayan na nagkasala si Father Lagarejos ay maaring siyang mapatawan ng parusa tulad nang pagkatanggal sa pagkapari.
Sinabi naman ni Archbishop Cruz, ang isyu kay Father Lagarejos ay hindi na bago sa kanilang hanay dahil noon pa mang panahon ni Hesukristo sa mundo ay may mga nanghudas na sa Panginoon.