Sec. Aguirre, pamumunuan ang BuCor habang wala pang bagong director general

Si Department of Justice (DOJ) Sec. Vitaliano Aguirre II na muna ang direktang mamumuno sa Bureau of Corrections (BuCor).

Sa kaniyang department of order, sinabi ni Aguirre na habang wala pang kapalit si Benjamin De Los Santos, siya muna, bilang justice secretary ang mamamahala sa BuCor.

Kasabay nito, inatasan ni Aguirre ang mga opisyal at empleyado ng BuCor na isumite at ireport sa kaniya ang lahat ng concern at usapin sa New Bilibid Prisons (NBP).

Epektibo sa lalong madaling panahon ang nasabing kautusan ni Aguirre hangga’t hindi nakapagtatalaga si Pangulong Rodrigo Duterte ng bagong BuCor director general.