Ilang domestic flights, kanselado dahil sa masamang panahon

By: Mark Gene Makalalad - 7 years ago

Kinansela na ang ilang domestic flights sa Ninoy Aquino International Airport (NAIA) dahil sa masamang panahon.

Sa abiso ng Manila International Airport Authority (MIAA), kanselado ang flights DG 6117 / 6118 Manila – Naga – Manila ng CebGo.

Kinansela rin ang flights DG 6041 / 6042 Manila – Busuanga-Manila.

Pinayuhan ng MIAA ang mga paektadong pasahero na makipag-ugnayan sa CebGo para sa rebooking o refund ng kanilang fare.

Sa abiso ng PAGASA, ang MIMAROPA at Bicol Region ay kabilang sa makararanas ng mahina hanggang sa katamtamang pag-ulan ngayong araw.