Ayon sa datos ng Bangko Sentral ng Pilipinas (BSP), umabot sa $2.588 billion ang naipasok na pera ng mga Pilipino sa ibang bansa noong Mayo.
Mas mataas ito ng 7.1 percent kung ikukumpara sa naitala noong Abril na $2.317 billion, na pinakamababang inabot ng personal remittances para sa taong ito.
Naniniwala ang BSP na ang pagtaas na ito ay dahil rin sa 5.9 percent na pagdami ng mga land-based workers na may isang taon o mahigit na kontrata.
Natapatan kasi ng bilang na ito ang 0.6 percent na pagbaba sa mga remittances mula sa mga sea-based at land-based workers na may kontrata na mas mababa sa isang taon.
Sa kabuuan, nasa $12.613 bilyon na ang naipadalang pera sa bansa sa loob ng unang limang buwan ng taon.