Nasawi sa nagpapatuloy na bakbakan sa Marawi City, 547 na

Nadagdagan pa ang bilang ng mga nasawi sa nagpapatuloy na bakbakan sa Marawi City.

Sa press briefing sa Lanao Del Sur Provincial Capitol, sinabi ni Joint Task Force Marawi spokesperson Lt. Col. Jo-ar Herrera na umabot na sa 405 ang nasawi sa panig ng mga kalaban.

Sa panig naman ng tropa ng pamahalaan, nasa 97 na ang bilang ng mga nasawi.

Nananatili naman sa 45 ang bilang ng mga nasawing sibilyan at mayroon nang 1,753 na nailigtas.

Ayon kay Herrera, patuloy ang pagsasagawa ng clearing operations ng militar sa mga lugar na kinubkob ng Maute group sa Marawi City.

Malaking bahagi na aniya ng mga lugar na ito ang nabawi na ng militar.