Mga sugatang sundalo sa Patikul clash, pinarangalan ni Pang. Duterte

Binigyan ng pagkilala ni Pangulong Rodrigo Duterte ang mga sundalo na nasugatan sa pagkikipag-bakbakan sa mga miyembro ng Abu Sayyaf Group sa Sulu.

Naganap ang parangal sa mga kawal nang magtungo ang pangulo sa Camp Bautista sa Jolo kung saan dinalaw niya ang mga sundalo na sumagupa sa ASG sa bayan ng Patikul kamakailan.

Hindi naman natuloy ang dapat sana ay talumpati ng presidente dahil sa sama ng panahon.

Kasama ng pangulo sa pagbisita sa Camp Bautista sina Defense Secretary Delfin Lorenzana at AFP Chief of Staff Gen. Eduardo Año.