14 bilanggo sa Sulu, nakatakas

Nakatakas ang labing-apat na bilanggo sa Jolo Municipal Police Station sa probinsiya ng Sulu.

Ayon kay Sulu Provincial Police director Senior Supt. Mario Buyuccan, nakatakas ang mga bilanggo bandang 1:25, madaling-araw ng Linggo.

Sa isinagawang hot pursuit operation, patay aniya ang 3 habang 1 naman ang sugatan sa 14 na bilanggo.

Dagdag pa ng opisyal, 24 iba pa ang nagbaka-sakali ring tumakas ngunit naharang ang mga ito ng guwardiya.

Aniya pa, patuloy rin ang operasyon at asahang ang ibibigay na report kaugnay sa kaso ng mga nakatakas na bilanggo.