2 miyembro ng ASG, arestado sa Tawi-Tawi

 

Magkahiwalay na naaresto ang dalawang hinihinalang miyembro ng Abu Sayyaf sa Tawi-Tawi kahapon.

Kinumpirma ito ni Brig. Gen. Custodio Parcon na commander ng Joint Task Forces Tawi-Tawi at trilateral maritime patrol INDOMALPHI o Indonesia, Malaysia, Philippines.

Naaresto si Ara Samindi sa Lagaan Island sa bayan ng Taganak, at si Abu Sayyaf sub-leader Omar Harun alyas Abu Halipa naman sa Poblacion Taganak sa parehong bayan.

Ayon kay Parcon, parehong konektado sina Samindi at Harun sa grupo ng Abu Sayyaf na naka-base sa Sulu.

Kabilang aniya ang dalawang suspek sa 23 na high-profile Abu Sayyaf Wanter List ng Malaysia, na nasangkot umano sa sea-jacking at kidnapping sa karagatan sa pagitan ng Sabah at Tawi-Tawi.