Kitang-kita sa kuha ng CCTV ang pagkaladkad ng isang SUV sa isang motorcycle rider.
Patay ang nakilalang si Elmar Valeriano, 25-anyos, matapos itong pumailalim at masagasaan ng ng Ford Everest sa Dian St. kanto ng Finlandia St., Makati.
Ayon kay Julius Inojales, emergency medical technician na unang rumesponde sa aksidente, pasado alas 4:35 nang kanilang makita ang biktima na duguan at nanghihingalo na.
Agad naman ding dumating ang ambulansya makaraan ang 3 minuto pero hindi na nila naabutan ng buhay si Valeriano.
Samantala, naaresto naman ang driver ng SUV na si Johnmar Relacion at sasampahan ng kasong reckless imprudence resulting to homicide.
MOST READ
LATEST STORIES