Aftershocks patuloy na nararanasan sa Leyte

Simula madaling araw ngayong Miyerkules nakapagtala na ng tatlong aftershocks sa Ormoc City, Leyte.

Ayon sa Phivolcs, alas 2:59 ng madaling araw nang maitala ang magnitude 3.2 sa 24 kilometers south ng Ormoc.

Magnitude 3.0 naman ang naitala alas 3:48 ng madaling araw.
Nasundan naman ito ng isa pang pagyanig na magnitude 2.4 alas 6:02 ng umaga.

Pawang sa Ormoc City ang epicenter ng tatlong pagyanig.

Samantala, ayon sa Phivolcs, kaninang alas 12:58 ng madaling araw din ay niyanig din ng magnitude 3.5 na lindol ang Governor Generoso sa Davao Oriental.