Ipinagdiwang ngayong araw ang ika-22 anibersrayo ng Police Community Relations Group ng Philippine National Police.
Pinangunahan ni PNP Chief Ronald Dela Rosa ang pagdiriwang kasama si Interior and Local Government Officer In Charge Catalino Cuy.
Sabay sabay na nanumpa ang libu-libong pulis na patuloy silang susuporta sa anti drug campaign ng pamahalaan.
Nagkaroon din ng covenant signing ang mga pulis kasama si Dela Rosa.
Ayon kay Dela Rosa, sa kabila ng tagumpay sa unang taon ng war on drugs, asahan daw ng publiko na patuloy silang magpupursige nang sa gayon ay tuluyan na itong mapuksa.
Samantala, ipinakita naman sa naturang programa ang mabilis na pagresponde ng PCG sa aksidente.
Nagkaroon ng role playing kung paano ang tamang pagpatay sa sumingaw na LPG para hindi ito sumabog, tamang pagpatay ng apoy sa nasusunog na kawali at kung paano gumamit ng improvised fire extinguisher na gawa sa baking soda, tissue, water, at dishwashing liquid.