Isa ang naiulat na patay at hindi bababa sa sampu ang nasugatan habang ilan pa ang na-trap matapos mag-collapse ang isang commercial building sa bayan ng Kananga kasunod ng magnitude 6.5 na lindol sa Leyte, Huwebes ng hapon.
Sa isang panayam ay sinabi ni Kananga Mayor Rowena Codilla na may naretrieve na isang bangkay ng lalaki mula sa gumuhong gusali.
Patuloy anya ang rescue operation para sa mga taong naipit sa tatlong palapag na gusali na isang pension house.
Sinabi ni Codilla na ang pension house ay may grocery store sa ground floor at maraming tao ang nasa loob nang mangyari ang lindol.
Samantala, sinabi ni PHIVOLCS Director na may natanggap na silang report na may slight damage sa bayan ng Jaro sa Leyte.