Water rate hike ng Manila Water at Maynilad, sa susunod na taon na lang ipatutupad

Ipinagpaliban ng Manila Water at Maynilad ang hirit nilang dagdag singil sa tubig.

Sa halip, sa buwan ng Enero 2018 na lamang plano ng Maynilad at Manila Water ipatupad ang hirit nilang dagdag singil.

Ang Maynilad ay humihirit ng dagdag na P9.68 per cubic meter na dagdag habang P8.30 naman per cubic meter ang hirit ng Manila Water.

Kung sakaling maaaprubahan ay mangangahulugan ito ng dagdag na mahigit isangdaang pisong bayarin sa mga consumer na ang konsumo ay 20 cubic meters kada buwan.

Tiniyak naman ng Metropolitan Waterworks and Sewerage System (MWSS) na masusing pag-aaralan ang hirit na dagdag singil.