Tinawag ng IOC na “outstanding” ang presentations ng dalawang lungsod para sa posibleng ikatlong pagkakataong makapaghost ang mga ito para sa naturang athletic event.
Dati nang naging host ng Olympics ang Paris noong 1900 at 1924, habang ang Los Angeles naman ay noong 1932 at 1984.
Apat na lungsod kabilang ang Rome, Budapest, Boston at Hamburg ang nagpakita rin ng interes upang maghost, ngunit kalauna’y sumuko rin sa bidding process.
Ayon kay Patrick Baumann, pinuno ng IOC evaluation committee, nakikitaan ang Paris at Los Angeles ng hindi matatawarang potensyal para maihandog ang natatanging mga palaro.
Malalaman sa susunod na Linggo kung anong lungsod ang mapipiling host, samantalang ang hindi mapipili ay awtomatikong magiging host ng 2028 Olympics.