Ito ang mga alegasyon ng ina ni Ella Cruz kay Xian Gaza, na nag-viral kamakailan sa social media dahil sa kakaibang coffee date proposal nito para sa aktres na si Erich Gonzales.
Matapos umani ng papuri lalo na sa mga kababaihan, umani naman ngayon ng pangungutya si Gaza dahil sa mga paratang ng ina ni Ella Cruz na may pangalang Jesica Zurc sa Facebook.
Sa isang Facebook post ni Jesica, hayagan niyang sinabi na mayroong scam issues na kinasasangkutan si Gaza, at gumagawa lang umano ng gimik para sa business nito.
Sinabi rin ni Jesica na nag-stalk din ang umano’y CEO sa kanyang anak na tinawag niya ring ‘famewhore’ o pasikat.
Samantala, makikita naman sa isa sa mga dating post ni Gaza ang pag-amin na nabaon siya sa mahigit 13 milyong utang noong siya ay nasa 19 taong gulang pa lamang.
Agad namang umani ng iba’t ibang reaksyon mula sa mga netizens ang mga naging pahayag ng ina ni Ella Cruz laban sa businessman.