Bus na may sakay na mga estudyante sa Argentina, bumaligtad, 15 ang patay

Labinglima ang nasawi makaraang maaksidente ang isang bus na may lulang mga estudyante, magulang at mga guro sa Argentina.

Galing sa dance school ang nasabing bus nang ito ay maaksidente sa kanlurang bahagi ng Buenos Aires at bumaligtad.

Sa labinglimang nasawi, siyam dito ay mga bata.

Nasawi din ang driver ng bus ayon kay local health minister Claudia Najul.

Dinala naman sa ospital ang 21 nasugatan.

Ayon sa mga nakaligtas, mabilis ang andar ng bus na mayroong 50 pasahero nang ito ay bigla na lamang bumaligtad sa palikong bahagi ng kalsada.