Walang Pinoy na nadamay sa pagsabog sa Pakistan – DFA

Walang Pilipinong nadamay sa magkakahiwalay na pagsabog sa Pakistan noong Biyernes.

Kinumpirma ito ng Department of Foreign Affairs matapos itong iulat ng Embahada ng Pilipinas sa Islamabad.

Ayon sa DFA, hindi bababa sa 80 katao ang nasawi sa suicide car bombing sa Quetta City, at sa kambal na pagsabog sa Parachinar.

Naghatid ng pakikiramay ang Pilipinas sa mga nabiktima ng insidente.

Tiniyak naman ng DFA na patuloy nilang binabantayan ang sitwasyon sa Pakistan.