Pilipinas wagi kontra El Salvador, pero bigo sa Slovenia sa FIBA 3×3 World Cup

Tinalo ng Pilipinas ang team ng El Salvador sa nagpapatuloy na FIBA 3×3 World Cup na ginaganap sa Nantes France.

Ang laro kontra sa El Salvador ang ikalawang laban na hinarap ng team ng Pilipinas kaninang madaling araw, oras sa Pilipinas.

Namayani ang mga pinoy sa score na 21 – 14, dahilan para makamit ang ikalawang panalo sa FIBA 3×3 World Cup.

Pero sa naunang laban kontra Slovenia, ay bigo ang Pilipinas na magwagi.

Ang Slovenia ang namayani sa parehong score na 21 – 14.

Ito rin ang ikalawang talo ng Pilipinas.

Ang Philippine Team sa FIBA 3×3 ay binubuo nina Kobe Paras, Jeron Teng, Keifer Ravena at JR Quiñahan.